Според американските истражувања, болката во долниот дел од грбот (половината) е најчеста причина за попреченост на работното место. Над 80% од луѓето ширум светот доживуваат болка во долниот дел на грбот во текот на нивниот живот.

Најчести причини за болка во половината и нивни симптоми

Причини за болка во половината

  • Истегнат мускул: Мускулите и лигаментите во грбот можат да се истегнат или раскинат поради вишок активност. Симптомите вклучуваат болка и вкочанетост во долниот дел на грбот, како и мускулни грчеви.
  • Хернијален диск: Познат и како лизгав или пукнат диск, се јавува кога ‘рскавицата околу дискот се придвижува кон ‘рбетниот мозок или нервните корени. Болката трае повеќе од 72 часа.
  • Ишијас: Може да се појави со хернијален диск ако дискот го притисне ијатичниот нерв. Ишиатичниот нерв го поврзува ‘рбетот со нозете. Како резултат, ишијасот може да предизвика болка во нозете и стапалата. Оваа болка обично се манифестира како чувство на горење или иглички.
  • Спинална стеноза: Кога ‘рбетниот столб се стеснува, вршејќи притисок врз ‘рбетниот мозок и’ рбетниот нерв. Се манифестира со вкочанетост, грчеви и изнемоштеност.
  • Абнормално искривување на грбот: Може да биде сколиоза, кифоза и лордоза.
  • Артритис: Воспаление на зглобовите.
  • Фибромијалгија: Долготрајна болка и осетливост во зглобовите, мускулите и тетивите.
  • Спондилитис: Воспаление на зглобовите помеѓу ‘рбетните коски.
  • Спондилозата: Дегенеративно нарушување што може да предизвика губење на нормална структура и функција на ‘рбетниот столб.
  • Проблеми со бубрезите
  • Бременост, ендометриоза, полицистични јајници и рак исто така може да предизвикаат болка во половината.

Како да ја третирате болката во половината во домашни услови

Домашен лек за болка во половината

Запрете ги вашите но-рмални секојдневни физчки активности на неколку дена и поставете ладна облога на  половината во првите 48-72 часа, а потоа поставете топли облоги. Наместо да лежите на грб, обидете се да лежите на страна со свиткани колена и перница поставена меѓу истите. Топла купка и соодветна масажа исто така може да ви помогнат во ублажување на болката во половината.

Кога да посетите лекар?

Посета на лекар за болка во половината

Доколку болката трае повеќе од 72 часа, веднаш обратете се на лекар.