Инфекција на око: 7-те најчести причини и што да направите во домашни услови
Ако забележувате и чувствувате болка, оток, чешање или црвенило на окото, веројатно имате инфекција на истото. Инфекциите на окото спаѓаат во три специфични категории врз основа на нивната причина: Вирусни, бактериски или габични и секоја се третира различно.
Најчести причини за инфекција на око и нивни симптоми
- Конјунктивитис (Розово око): Се случува кога крвните садови во конјуктивата т.е тенката најоддалечена мембрана околу очното јаболко, се инфицираат од бактерии или вирус. Се манифестира со розово или црвено воспаление на окото, воден исцедок и чувство на чешање.
- Кератитис: Се појавува кога ќе се зарази вашата рожница. Кератитисот е резултат или на инфекција (бактериска, вирусна, габична или паразитска) или повреда на окото. Се манифестира со црвенило или оток на окото, болка и чувство на непријатност во очите, абнормален исцедок или повеќе солзење, губење или заматување на видот, чувство на туѓо тело во окото.
- Ендофталмитис: Сериозно воспаление на внатрешноста на окото, резултат на бактериска или габична инфекција. Габичните инфекции на кандида се најчеста причина за ендофталмитис. Се манифестира со умерена или силна болка на окото, заматен вид или целосно негово губење, гној или исцедок од окото, зголемена чувствителност на светлина.
- Блефаритис: Воспаление на очните капаци, при кое кожата се преклопува и ги покрива очите.Се манифестира со црвенило на очите или очните капаци, чешање, оток, маснотија на очните капаци, чувство на печење во очите, чувство на туѓо тело заглавено во очите, чувствителност на светила и повеќе солзење.
- Хордеолум: Нерамнина слична на мозолчиња која се развива од масна жлезда на надворешните рабови на очните капаци. Се манифестира со болка, чешање или иритација, оток, повеќе солзи од вообичаеното, кора околу очните капаци.
- Целулитис: Се случува кога ќе се заразат ткивата на окото. Честопати е предизвикана од повреда како гребнатина на ткивата на окото. Се манифестира со отекување на окото.
- Окуларен херпес: Настанува кога окото е заразено со вирусот на херпес симплекс (ХСВ-1). Се манифестира со чувствителност на светлина, иритација, заматен вид и воден исцедок од очите.
Како да ја третирате инфекцијата на окото во домашни услови
Солената вода е еден од најефикасните домашни лекови за инфекции на окото. Исто така, може да поставите ќесички од чај, топли и ладни облоги, а истовремено се препорачува да ја промените постелнината и на одреден временски период да не користите никаква шминка.
Кога да посетите лекар?
Aко искусите било какви симптоми на инфекција на окото, особено посериозни симптоми, како што се екстремна болка или ненадејно губење на видот, неопходно е да побарате итна лекарска помоч. Исто така, ако симптомите на блефаритис или конјунктивитис не се подобрат со домашна нега, посетете лекар.
