Денес на менито е сочен колач со едно од најомилените овошја за оваа сезона, величествените јагоди. Прочитајте во продолжение како да го приготвите на многу едноставен и брз начин.

Потребни состојки

За кората:

  • 4 јајца
  • 2 лажици брашно
  • 2 лажици густин
  • Малку прашок за пециво, колку да го покрие врвот од ножот
  • Рендана кора од лимон
  • 1 ванилин шеќер

 За филот:

  • 3 јајца
  • 5 лажици шеќер
  • 2 дл млеко
  • 1 лажица густин
  • 1 пакетче желатин
  • 4 дл слатка павлака

Додатно:

  • 1 дл сок по желба за натопување на бисквитите
  • 700-800 грама јагоди
  • 2 црвени преливи за торта

Начин на подготовка

За кората:

  • Измутете ги жолчките со шеќерот, а потоа додадете ги и останатите состојки. Од белките претходно направете бела пенеста текстура и истата подоцна додадете ја на првата смеса. Добро измешајте.
  • Добиената смеса излејте ја во тепсија со големина 25×30 и печете околу 20 минути.
  • Добиеното бисквитно тесто натопете го со овошен сок.

За филот:

  • За потребите на филот, измешајте ги жолчките, шеќерот, густинот и млекото и гответе на пареа. Додека се приготвува, во врелата смеса додајте желатин и пенеста смеса, за чие добивање претходно ќе ви требаат 3 белки.
  • Потоа оставете го филот да се излади, а потоа додадете ја слатката павлака.

Крајна подготовка:

  • Исецкајте ги јагодите и на бисквитното тесто, распоредете ги насекаде, притоа да бидат на мало растојание едни од други.
  • Нанесете од филот, а потоа повторно ставете од јагодите насекаде.
  • Прелијте со црвен прелив и оставете добро колачот да се излади, преднегово послужување.