Приказната за првиот супермодел во Холивуд и зошто никогаш не сте чуле за неа

Марлен Дитрих, Вивиен Ли, Џоан Крафорд или Коко Шанел – овие жени ги познаваме како модни икони на 20 век и ги паметиме до ден-денес. Но всушност имаше една жена што се појави пред нив која се смета дека е „Првиот супермодел во Америка“. И покрај огромниот успех што го доживеа на почетокот на 20 век, многумина од нас сè уште не го знаат нејзиното име.

Еве ја приказната за Одри Мунсон, модел чија убавина маѓепса многу уметници.

Човекот кој ѝ го промени животот

Одри Мунсон е родена во 1891 година. Нејзините родители се развеле кога таа била мала,  по затоа таа и нејзината мајка се преселиле во Њујорк.

Нејзината кариера започнала случајно. Кога имала 15 години, таа и нејзината мајка се шетале околу Бродвеј кога еден човек ја забележал. Ја прашал Одри дали е модел и дали може да ја фотографира. Таа го привлекла вниманието на познатиот фотограф Феликс Бенедикт Херцог. Подоцна тој ја запознал со неговите пријатели во светот на уметноста меѓу кои имало и многу скулптори.

Мајката на Одри, забележувајќи го потенцијалот на нејзината ќерка, ја „турна“ кон театарот. Во 1908 година, Мунсон за прв пат се појави на сцената како член на „Куклите што танцуваат (Џралд Хамптон) во забавниот парк Роки Поинт“.

Природна и смела убавина

Одри била муза за многу скулптури во Њујорк и го добила прекарот „Мис на Менхетен“. Во тоа време, таа се сметала за идеал за женска убавина. Се прославила со своите „грчки“ пропорции, а луѓето дури ја нарекувале „Американска Венера“.

Во 1915 година, Мунсон ја започнала својата кариера како актерка. Глумела во 4 филма: „Инспирација“, „Чистота“, „Девојчето од соништата“и „Обезглавени молци“. Локалните весници ја нарекувале „трансцедентно олицетворение на женската  убавина“.

Некои луѓе дури ја гледаат како прото-феминистка бидејќи одбивала да носи корсети и високи потпетици, велејќи дека женската облека треба да биде „практична и природна“.

Повеќе од само убаво лице

Една од причините што Мунсон станала толку успешна била нејзината работна дисциплина.

Друга причина е што таа не барала превисока плата, иако работата била тешка. Таа морала да остане мирна подолго време додека држи одредена поза и истовремено да изгледа грациозно и нежно.

Трагично пророштво што се оствари

Кога Одри имала само 5 години, една гатачка ѝ ја прочитала дланката и ѝ рекла: „ќе бидеш сакана и славна. Но кога мислиш дека среќата е твоја, нејзиниот плод на Мртвото Море ќе се претвори во пепел во вашата уста “. Ова пророштво ја прогонувало Мунсон цел живот.

Актерските можности доаѓаа и си заминуваа, а Одри исто така беше вмешана во скандал што дополнително и наштети на нејзината кариера и ѝ оневозможи да најде работа. Освен тоа, времињата се менуваа, па и идеалите за убавина се менуваа заедно со нив. Како резултат на ова, таа морала да започне да работи како келнерка и да се потпре на нејзината мајка за финансиска помош.

Сето тоа негативно влијаело врз менталното здравје на Одри и таа била сместена во лудница на 40 години. Таму го поминала остатокот од животот сè додека не починала на 104 години во 1996 година.

Вашата адреса за е-пошта нема да биде објавена. Задолжителните полиња се означени со *