Начини на кои ја саботирате вашата самодоверба и што можете да направите во врска со тоа

Ако забележите дека често се споредувате со другите и чувствувате дека се подобри од вас, или постојано се плашите да не направите грешка, ова може да бидат знаци дека имате ниска самодоверба. Интересно е дека вашите мисли и постапки можат многу да влијаат на вашата смодоверба и ако престанете да правите одредени работи, ќе забележите дека почнувате да се чувствувате подобро.

Се надеваме дека ќе најдете начин да се сакате себеси, па затоа споделуваме неколку работи што негативно влијат на вашата самодоверба кои веднаш треба да престанете да ги правите.

Секогаш сте подгрбавени.

Стресот може да влијае на вашето држење на телото, кое пак, може да влијае на вашето ниво на стрес. Истражувањата сугерираат дека ако седите или стоите исправено, тоа е подобро за вашата самодоверба и расположение. Исто така, може да направи да се чувствувате помалку уморно и да ви помогне подобро да се справите со стресот. Значи, ако одите подгрбавено, може да имате спротивен ефект и да се чувствувате уморни, помалку сигурни и лошо расположени.

Одложувате.

Луѓето со ниска самодоверба почесто одложуваат бидејќи одложувањето или избегнувањето на задачите служи како изговор ако резултатите се лоши и на тој начин се „штитат“. Се плашат да бидат несовршени и да не ја завршат својата работа доволно добро, а одложувањето е нивниот начин да се справат со тој страв.

Меѓутоа, ова само води до поголема вознемиреност и вина, како и пониско ниво на енергија и пониска самодоверба. Ако сте таков човек, обидете се да се ослободите од мислата дека треба да се` да биде совршено и уживајте во процесот. Исто така, кога правите нешто, обидете се да не размислувате за работите што не ви се допаѓаат во врска со задачата и фокусирајте се на придобивките што ќе ви ги донесе кога ќе ја завршите.

Користите зборови како „треба“ и „мора“.

Овие зборови не мора да имаат негативно значење, но стануваат проблематични кога си поставувате цели што се навистина тешко да се постигнат. Обидете се да ги промените своите размислувања така што кога поставувате цели, ќе си дозволите да правите грешки.

Се обвинувате себеси кога не сте вие ​​виновни.

Ако забележите дека често се чувствувате виновни за нешто, обидете се да ги набудувате ситуациите што го предизвикуваат ова и мислите што се појавуваат во вашиот ум кога тоа се случува. Критички размислете дали грешката што се случи е навистина ваша вина, или само несреќа. Прашајте пријател што мислат за истата ситуација, и можеби ќе сфатите дека непотребно се обвинувате себеси.

Секогаш го очекувате најлошото.

Можеби мислите дека очекувањето на најлош исход може да ви помогне подобро да се справите со ситуацијата, особено ако нешто тргне наопаку затоа што сте подготвени за тоа. И ако се` оди добро, дури и ќе се чувствувате олеснето. Меѓутоа, ваквото размислување може само да го зацврсти вашето верување дека работите секогаш ќе тргнат наопаку.

Дозволувате другите да се однесуваат лошо кон вас.

Без разлика дали некој е непристоен или груб кон вас, може да измислите изговори за нивното однесување и да го прифатите начинот на кој се однесуваат кон вас, дури и ако она што го велат или го прават прави да се чувствувате лошо.

Важно е да знаете како да поставите граници, бидејќи тоа ќе ја одразува вашата самопочит и ќе им покаже на луѓето какво однесување нема да се толерира.

Го избегнувате ризикот.

Стравот од неуспех може да ве спречи да направите нешто предизвикувачко, па дури и ризично, дури и ако исходот може да го промени вашиот живот на подобро. Ако постојано ги избегнувате предизвиците, вашиот мозок ќе се навикне на идејата дека не можете да се справите со препреки, што може да ја оштети вашата самодоверба и да направи  уште повеќе да се плашите од светот и неговите предизвици.

Вашата адреса за е-пошта нема да биде објавена. Задолжителните полиња се означени со *