Погледнете ги победничките фотографии на натпреварот „Визуелно раскажување приказни“

Откријте ги победниците и финалистите на натпреварот „Визуелно раскажување приказни“ на групата „Независен фотограф“, што се одржа во Јануари 2021 година.

Од класичен социјален документарен филм до имагинативно раскажување приказна, уметноста на визуелното раскажување прикажува  широк спектар на можности и волја за раскажување.

Американскиот фотограф Никол Собецки, застапен од познатата агенција за фотографии VII, беше судија на натпреварот.

Никол Собецки работи како фотограф и режисер во Најроби, Кенија. Таа ја започна својата кариера во Турција, Либан и Сирија, фокусирајќи се на регионални прашања поврзани со идентитетот, конфликтот и човековите права. Никол има за цел да создаде фотографии кои обрнуваат внимание на животот на луѓето во нив – нивните радости, предизвици и на крај нивната хуманост. Среде нашето скршено постоење, таа верува дека добро раскажаната приказна може да ја замолчи вревата, да ја продлабочи емпатијата и да инспирира посвесен свет.

Џек Лосон

„Специјалните орли“ – Лагос, Нигерија

4 члена на „Специјалните орли“, фудбалски тим за лица со ампутации во Нигерија, одат кон морето на плажата надвор од Лагос.

Лорен Турци – второ место

„Поларис артефакт“-  Антарктик

Човечкото присуство изгледа несоодветно во овие области. Фини и обоени геометрии изгубени во бели пејсажи што замислуваме дека се протегаат до бесконечност.

Џонатан Молер

„Свадба на Хуан и Марија“ – Гватемала, 1993 година

Дел од осумгодишен проект во Гватемала што резултира со книга, бројни изложби и јавни разговори наменети да ја раскажат приказната за примарно домородните-Маи од Гватемала, кои беа злоупотребени и убиени за време на долгата и брутална граѓанска војна во таа земја.

Клои Мениер

„Тивок појадок“ – од серијата „Направено во сенка“

Преку серијалот на автопортрети во мизерна сцена, „Направено во сенка“ отсликува ликови во модерните поставки на Средниот век, како одраз на ерата што тежнее кон промени. И покрај ваквиот општествен порив да се создаде нов модерен животен стил, жените брзо ја изгубија својата независност стекната за време на воениот период и се вратија во домашните средини за да ги продолжат традициите и родовата улога. Внимателно поставените сцени се обидуваат да ги срушат женските стереотипи.

Симон Морич-Сабјан – трето место

„Медицински работници кои се грижат за пациент заразен со Ковид-19“ – Будимпешта, Унгарија

Медицинските работници кои носат опрема за лична заштита се грижат за пациент позитивен на Ковид-19 во болницата Узоки, Будимпешта, Унгарија. Унгарија има исклучително висока стапка на смртност во споредба дури и земји. Од 18 Декември 2020 година, стапката на смртност поради вирусот достигна 2,61 проценти.

Џианлука Атоли

„Сонот е секогаш ист“

Магла, снег, моќни облакодери: сите овие аспекти, индивидуално или комбинирано, го прават главниот субјект „да се повлече“ за момент, оставајќи ги расположението и атмосферата да станат главни одлики на секоја снимка. Има чудно, силно чувство на удобност, блаженство и нелагодност кога ќе застанете точно среде магливо никаде, или пред застрашувачко тивко бурно небо.

Бербер Теунисен – прво место

„Душата во себе“

Растечкото тело. Возбудата. Забележувајќи како старата јас згаснува, почетокот на новиот живот. Стравот од повторно губење на него, менталните лузни по спонтаниот абортус. Првите силни удари, полека враќајќи ја довербата во моето тело. Растечката љубов. Заздравувачкото домашно породување. Исполнување на душата која веќе со сите години беше со нас, конечно на земја. Двоен меч: замор, вознемирувачки стравови, огромни одговорности наизменично со мек внатрешен мир, надмоќна среќа.

Су Барнел

„Тим за пливање во Портобело“ – Лондон, Англија

“Сакав да ги фотографирам бањите во Единбург за да ја покажам убавината на архитектурата додека ги минимизирам сите современи елементи. Ја сакам геометријата на плочките, линиите на дното на базенот и типографијата, вклучувајќи ги и знаците длабок крај”.

Саманта Шван

„Иднина“ – Кабо Сан Лукас, Мексико

Населението на ајкулите Мако падна на статус на загрозено во 2019 година, делумно поради грешка при пресметувањето на возраста на сексуалната зрелост на која се засноваа праговите на риболов. Нови истражувања сугерират оваа возраст да биде 19-21 година, наместо 4-6 години како што претходно се веруваше. Дури и со целосна заштита, се очекува дека популациите ќе продолжат да опаѓаат сè до 2035 година, кога населените единки ќе достигнат зрелост. Оваа женка, за која се претпоставува дека е бремена, била фотографирана во Кабо Сан Лукас, една од единствените познати репродуктивни области за ајкули Мако.

Лора Панак

„Барух“ – Израел

На 16-годишна возраст, Барух избрал да ја напушти својата православна еврејска заедница и да студира на универзитет. Драматичната и предизвикувачка одлука го принуди да го доведе во прашање неговиот идентитет и иднината. Ајнштајн рече: “Важно е да не престанувате да прашувате. Љубопитноста има своја причина за постоење”.

Вашата адреса за е-пошта нема да биде објавена. Задолжителните полиња се означени со *