Кашкавалките се неверојатно вкусен избор за брза закуска. Доколку ги обожавате, тогаш следниот рецепт ќе ве воодушеви. Станува збор за нивна варијанта во форма на печени мафини, без квасец.

Испечати рецепт

Нов рецепт за кашкавалки

Готвење1

Оброк: закуска

Кујна: италијанска

Клучни зборови: кашкавал, кашкавалки, мафини, солени мафини

Порции: 4

Состојки

200 гр пченично брашно
170 мл млеко
2 јајца
70 гр путер
100 гр кашкавал
Половина кафена лажица шеќер
Половина кафена лажица сол
2 кафени лажици пециво
20 гр копар
2 чешниња лук

Начин на подготовка

Пригответе го сувиот дел од смесата: Измешајте ги брашното, солта, шеќерот, пецивото и ситно исечениот кашаквал.
За течната смеса: Растопете го путерот на водена пареа, додадете го лукот,ситно исечениот копар, јајцата и млекото. Добро измешајте ги сите состојки заедно до добивање на една соединета смеса.
Исипете ја течната во сувата смеса и измешајте ги со вилушка. За да ги направите мафините совршено меки, но истовремено и густи,замесете го тестото, додека брашното не стане влажно: Тестото не треба да биде мазно, туку со малку грутки.
Ако користите метални калапи, претходно премачкајте ги со путер. За силиконските калапи овој чекор не е потребен. Поставете ги мафинитеда се печат 20-30 минути на температура од 180°C. Проверете колку се готови мафините со чепкалка за заби.