Неверојатна приказна за човекот што се движеше на жица помеѓу кулите близначки

Кулите близначки најчесто се паметат по нападите на 11 септември, но во три децении што ги минаа доминирајќи го хоризонтот на Њујорк, тие служеа како центар на многу други приказни.

Изградбата на Светскиот трговски центар беше еден од најамбициозните проекти во историјата кога започна во 1966 година, инспирирана од првиот Светски трговски центар, создаден во 1939 година, посветен на промовирање на светскиот мир преку трговија.

Со 110 ката, кулите беа дизајнирани да бидат највисоките згради во светот, невозможно беше човек да не ги ззабележи доколку гледа кон хоризонтот на Њујорк, особено акробатот Филип Петит.

Пети, од Франција, започнал да практикува одење по жица кога бил тинејџер, пред да го направи својот прв голем, илегален јавен настап со прошетка на жица помеѓу кулите на катедралата Нотр-Дам во Париз во 1971 година.

По овој импресивен подвиг, следела „прошетка“ помеѓу столбовите на мостот Сиднеј Харбор во Австралија во 1973 година, но откако дознал за изградбата на Светскиот трговски центар, тој знаел каде ќе биде неговата следна „прошетка“.

Пети го посетил Њујорк во јануари 1974 година по завршувањето на изградбата на Светскиот трговски центар во 1973 година.

Тој изградил модел на кулите за да му помогне да ја планира својата прошетка, и вежбал на жица од 200 метри, што неговите пријатели насилно ја треселе во обид да го симулираат ветерот што ќе го удри Петит на врвот на кулите.

Петит се сети на подготовките велејќи:

„Тајно ги мерев работите, правев планови каде да ја закачам жицата. Така, по сите тие години и месеци смислувајќи план за мојата илегална прошетка, се разбира дека тие беа „мои кули“, така ги викаа сите мои пријатели“.

Ноќта на 6 август 1974 година, членовите на тимот на Петит скришум се качиле на покривите на кулите и користеле стрела за да испукаат рибарска жица преку процепот, користејќи ја линијата за да го повлечат дебелиот челичен кабел. По неколкумесечното планирање, Петит стапнал на жицата кратко после 7 часот наутро на 7 август, балансирајќи 417м во воздух на ништо повеќе од сантиметар челична жица.

Петит не само што одел по жицата, туку и клекнал на едно колено и дури стигнал дотаму што легнал на својата тесна челична патека.

Со оглед на тоа што постапката на Петит била незаконска, не е изненадување што полициските службеници брзо се собрале на врвот на двете кули, подготвени да го уапсат акробатот штом ќе се повлече на покривот. Меѓутоа, со усовршената вештина за одење по жица, Пети не се брзал да се врати, исмејувајќи ги полицајците додека уживал во „разговорите“ со галебите што му се придружиле.

Еден премин помеѓу кулите се покажа како недоволен за Петит, и тој поминал осум пати на жицата пред конечно да се предаде на полицијата.

Објаснувајќи ја својата потреба да ги премине кулите, Петит рече: „Кога гледам два портокали, жонглирам, кога гледам две кули, одам “.

Полицајците го одвеле Петит на психолошка проценка и тој бил обвинет за несоодветно однесување, но неговите обвиненија биле отфрлени под услов да изведе бесплатно шоу за јавноста во Централ Парк, на што тој среќно се согласил.

Потсетувајќи на ужасните настани од 11 септември, Петит рече:

„Погледнав кон небото и знаев дека нешто не е во ред. Така истрчав кај моите пријатели на врвот на ридот и седнав пред телевизорот како милиони други луѓе и видов како моите кули се нападнати и уништени и земаат илјадници животи со себе. Од тој ден, „моите кули“ станаа „нашите кули“.

Вашата адреса за е-пошта нема да биде објавена. Задолжителните полиња се означени со *