Млечен колач
Ако обожавате раванија, тогаш со сигурност ќе се вљубите во овој сочен млечен десерт. Станува збор за домашен кох кој се приготвува неверојатно многу лесно, а неговиот уникатен вкус што се топи во уста, дефинитивно не остава никого рамнодушен!
Порции: 4
Состојки
- 500 мл пресно млеко
- 4 супени лажици брашно
- 4 супени лажици гриз
- 9 супени лажици шеќер
- 6 јајца
- 5 гр пециво
- 1 пакетче ванила
Начин на подготовка
- Одделете ги белките од жолчките и изматете ги до добивање пена, а потоа додадете 6 супени лажици шеќер и повторно добро изматете. Следно, додадете ги жолчките една по една, непрекинато мешајќи ја смесата до добивање зголемен обем до 3 пати.
- Исипете ги гризот, брашното и пецивото и со шпатула измешајте го правец горе-долу, со цел тестото да остане меко и нежно.
- Премачкајте соодветен сад за печење со масло и брашно, а потоа додадете го тестото. Загрејте ја рерната на 180°C и поставете го колачот да се пече 25 минути. Додека се лади истиот, пригответе го шербетот.
- Сварете го млекото и додадете ги ванилата и преостанатите 3 супени лажици шеќер. Варете ја смесата додека шеќерот целосно да се растопи.
- Исечете го колачот директно додека е во садот и одозгора полејте со топлиот млечен шербет. Поставете го колачот во ладилникот да отстои неколку часа, додека шербетот целосно да се впие.