Чоколадно лепче без печење
На сите нам барем еднаш ни се случило да ни се јаде нешто благо, убаво и слатко, но или продавниците биле затворени или нè мрзело да отидеме до истите, а дома сме немале ништо за десерт. Но, со овој лесен рецепт ваквите ситуации веќе никогаш нема да бидат проблем!
Оброк: Десерт
Кујна: италијанска
Клучни зборови: чоколаден ролат, чоколаден леб, чоколаден десерт
Порции: 4
- 20 гр какао во прав
- 20 гр ленени семиња
- 70 гр оризови галети
- 300 гр банани
- 100 гр ореви
Испасирајте ги бананите со вилушка, а оризовите галети искрешете и сомелете ги со раце. Со нож исечете ги јаткастите плодови и добро измешајте ги сите состојки заедно.
Добиената смеса распоредете ја врз хартија за печење и оформете лепче (ролат). Завиткајте го лепчето во хартијата, а потоа и во проѕирна фолија и поставете го замрзнувачот да отстои 2-4 часа. Извадете го десертот 10 минути пред консумирање.
Наместо банани, може да изберете било кое друго овошје по ваш вкус и наместо ореви, било кои други јаткасти плодови, по ваш вкус.