Мафини со портокал и ореви
Овој златен рецепт со неверојатен вкус ќе ги претворите сивите студени зимски денови во топло слатко задоволство, со кое дефитивно ќе ги импресионирате вашите гости, а повторно ќе ги освоите вашите најблиски! Еве како лесно да ги приготвите!
Состојки
- 130 гр брашно
- 2 портокала т.е изренданата кора од нив
- 1 портокал т.е исцедениот сок од него
- 130 гр шеќер
- 1 пакетче ванилин шеќер
- 1 јајце
- 120 гр путер
- 1 дл кисела павлака
- 50 гр ситно исечени ореви
- 1 кафена лажица пециво
Начин на подготовка
- Изматете ги заедно шеќерот, ванилиниот шеќер и омекнатиот путер. Потоа додадете ги јајцето и киселата павлака и продолжете да матите.
- Измешајте ги брашното и пецивото и додадете ги во претходната течна смеса. Продолжете да мешате со дрвена лажица.
- На крај додадете ги оревите, сокот и корите од портокалите, па добро соединете ги сите состојки заедно.
- Добиената смеса поделете ја подеднакво во калапите за мафини и поставете ги да се печат 20-25 минути во загреана рерна на 180°C.
