Работи кои мажите ги правт несвесно, а жените дефинитивно ги забележуваат

Развивањето чувства за маж може да започне од мали детали и специфични ситуации. Жените обично обрнуваат внимание кон овие карактеристики, додека момците, воопшто, не ги сфаќаат своите волшебни моќи. И покрај тоа што привлечноста помеѓу 2 лица не може целосно да се објасни, постојат некои елементи кои сигурно ја прават другата личност многу попривлечна.

Фасцинирани сме од причините поради кои женските срца треперат. Затоа, направивме список на работи што жените ги сакаат и секогаш ги забележуваат кај мажите.

Покажување ранливост и изразување емоции

Мажите најчесто мислат дека треба да изгледаат мачо и силно, но вистината е дека искреноста и споделувањето чувства  е она што навистина ги привлекува жените. Откривајќи ја нивната чувствителна страна, тие и овозможуваат на другата личност целосно да ги разбере, и ова сигурно гради подлабока и посилна врска помеѓу партнерите.

Покажување страс за животот

Гледање човек како целосно е внесен во неговото омилено хоби е фасцинантно искуство. Без разлика дали го поправа својот автомобил, слика или игра билјард, фактот дека длабоко се грижи за нешто укажува на тоа дека има трпеливост, може целосно да се посвети и не се плаши да се нурне во работите што ги сака. Интересите им овозможуваат на луѓето постојано да се подобруваат и да останат со здрав начин на размислување, што ги прави посигурни животни партнери.

Да ​​биде внимателен во врска со неговиот изглед

Освен очигледниот факт дека да се има уреден, чист и скоцкан партнер е пријатно за сите сетила, маж кој посветува време да изгледа најдобро е ценет од многу причини. Да имате дневни ритуали и да се држите до нив значи дека сте дисциплиниран и не дозволувате мрзата да ве совлада.

Засукани ракави

За повеќето жени, има нешто необјасниво неодоливо во гледањето на подлактиците и вените на мажот. Можеби засуканиот ракав потсвесно укажува на тоа дека мажот не се плаши да ги извалка рацете и да биде заштитник. Која и да е вистинската причина, мажите треба почесто да го практикуваат овој стил.

Покажување отвореност преку говорот на неговото тело


Можете да знаете многу за некого само од начинот на кој тој седи и се носи околу другите. И низ вековите, жените ја совладале уметноста да читаат мажи. Според една студија, да се има опуштено држење на телото е знак на отвореност, што се смета за привлечно. Значи, прекрстените раце и нозе се забранети ако сакате да оставите добар впечаток.

Грижа за неговите пријатели со 4 нозе

Тој може само го шета својот крзнен придружник по улицата, а ова може да биде доволно за да го привлече вниманието на жените и да го разбуди нивниот интерес. Според резултатите од студија, мажите имаат поголема шанса да добијат број на жена кога се придружени од нивното домашно милениче.

Добро се снаоѓа во кујна

Поговорката вели дека патот до нечие срце е преку нивниот стомак, и многу жени се согласуваат дека маж што готви е огромен плус. Има нешто толку неоспорно привлечно кога гледате како вашиот маж пробува нов рецепт или ја готви познатата лазања на неговото семејство. Тоа е знак дека сака да се грижи за вас и сака да ве задоволи.

Вашата адреса за е-пошта нема да биде објавена. Задолжителните полиња се означени со *