Доколку ви здосадиле традиционалните кифлички и баници, а ги обожавате јадењата кои вклучуваат тесто, за таа цел, за денес ви откриваме нешто поразлично!

Станува збор за лепчиња со шунка и кашкавал, кои се толку лесни, при што никој не може да им одолее и да им остане рамнодушен! Тие се приготвуваат многу лесно, притоа од состојки кои може да се најдат во сечиј ладилник, а во продолжение откријте го и рецептот за истите!

Меки лепчиња со шунка и кашкавал

Потребни состојки

  • 300 гр брашно + 50 гр за месењето
  • 250 гр кашкавал
  • 100 гр шунка
  • 240 гр кисело млеко
  • 60 гр путер
  • 10 гр пециво
  • 1 кафена лажица сол

Начин на подготовка

Најпрво пресејте го брашното во соодветен сад, а потоа додадете т.е пресејте ја и солта и пецивото и добро измешајте ги состојките. Потоа додадете го путерот и рачно измешајте го со смесата од брашно. Изрендајте ги кашкавалот и шунката и додадете ги кон претходните состојки и добро измешајте. На крај додадете го и киселото млеко и започнете со нежно месење на тестото. Истото ќе биде малку лепливо, но без грижи.

На работната површина нанесете малку од брашното и одозгора поставете го и тестото. Врз истото повторно малку нанесете од брашното и започнете со месење, додека тестото не добие форма на топка. Истата поделете ја на два дела и секоја од половините притиснете ја да добие плосната форма со дебелина од 1 цм. Потоа поставете ги половините во сад, во кој претходно е ставена хартија за печење и со нож насечете ги половините на мали триаголници. Одозгора премачкајте ги со путер и ставете ги да се печат во претходно загреана рерна на 180°C. Печете додека нивната кора не ја добие потребната црвена боја.