Вашето држење на телото е клучно не само за вашето здравје, туку и за вашата емоционална благосостојба. Доброто држење на телото може да го намали заморот, да го подигне расположението, па дури и да им помогне на луѓето кои страдаат од депресија. Но, некои ситници што ги правиме секојдневно можат негативно да влијаат на начинот на кој го држиме нашето тело.

Одлучивме да разгледаме подетално кои навики можат да ви наштетат на грбот.

1. Носите тешка торба.

Иако е примамливо да ја одберете најголемата торба за да можете да носите се што ќе ви падне на памет во неа, колку е потешка торбата, толку поголеми се проблемите што може да ги предизвика. Кога ја носите торбата на едното рамо и тежината не е распределена рамномерно, тоа може да доведе до истегнување на вратот и рамото, лошо држење на телото, па дури и главоболки. Ако не сте подготвени да се откажете од омилената торба, повремено испразнете ја.

2. Го држите телефонот помеѓу увото и рамото.

Држењето на телефонот помеѓу рамото и увото може да ви ги ослободи рацете, но може и да го оштети грбот. Вашиот врат и рамената не треба да ја држат оваа позиција подолго време, и оваа навика може да ги оптерети мускулите на горниот дел од грбот.

3. Работите од лаптоп.

Иако вашиот лаптоп ви дозволува да работите од каде било, подобро е да го надминете искушението да потонете во вашиот стол. Една студија вели дека постојаното гледање надолу кон екранот може да ги оптерети вашите мускули исто како да ставите тежина од 60 килограми на вратот.

4. Додавате млеко во кафето.

Иако млекото и другите млечни производи се сметаат за дел од здравата исхрана, оваа храна може да предизвика воспаление и може да ја влоши постојната болка во грбот, што пак, ќе влијае на вашето држење на телото. Кофеинот исто така може да предизвика болка во долниот дел на грбот, па дури и да доведе до хронична болка во грбот.

5. Често пеглате.

Пеглањето ве тера да се свиткате над даската за пеглање, што пак, може да го влоши вашето држење на телото. Ако често пеглате, користете столче со висок наслонувач.

6. Носите очила.

Носењето погрешни очила може да предизвика повреда на вратот, а тоа ќе влијае на вашето држење на телото. Кога ќе ја навалите главата наназад за да погледнете низ долниот дел од стаклата, тоа ги напрегнува мускулите на вратот. За да ја спречите болката, проверете дали вашата глава премногу се приближува  до екранот и редовно правете паузи за да се истегнете.