Иако понекогаш ситуацијата во која се наоѓаме, на која претходела расправија, нè доведува да кажеме одредени зборови кои всушност не ги мислиме, сепак доколку не е таков случајот, а сепак се сомневате во чувствата на вашиот партнер, најдобро е да обратите внимание на ова.
Еве кои 7 реченици најчесто ги изговараат мажите кога повеќе не ја сакаат својата партнерка:
1. „Навистина те сакам“
Можеби е смешно и контрадикторно, но има разлика помеѓу „Те сакам“ и „Те сакам навистина“. Тоа „навистина“ звучи повеќе како изговор, оправдување или лош обид со кој мажот се обидува да го сокрие чувството на вина и немањето веќе чувства.
2. „Прави што сакаш“
Ако ова го слушнете од вашиот партнер, тоа може да значи дека тој се дистанцирал од вас. Не му е гајле што правите и не размислува како да најде решение за проблемот.
3. „Си замислуваш“
Прво запрашајте се дали само замислувате или навистина сте во право. Честопати мажите, за да ги сокријат своите грешки и да не се правдаат, ќе речат дека ви се причинува и дека замислувате нешто.
4. „Ако не ти се допаѓа, најди си некој друг“
Ова покажува дека не му е грижа дали сакате да бидете со него. Ова исто така може да биде форма на уцена затоа што ќе започнете да се плашите дека тој ќе да ве напушти и ќе започнете да ги правите работите како нему му одговара. Не дозволувајте да ве манипулира.
5. „Не ти верувам“
Ако вашиот партнер се сомнева и не ви верува, тоа покажува колку е несигурен. Дали треба да бидете со некој што се сомнева во сè што правите?
6. „Немам зошто да ти се оправдувам“
Ова покажува дека тој не ја сфаќа својата вина и дека нема нормален аргумент за употреба. Тој ќе ја сврти вината кон вас и ќе се претстави себеси како некој што не направил ништо лошо.
7. „Тоа е твој проблем, не мој“
Вашата сакана личност треба да биде со вас и да помогне во решавањето на вашите проблеми. Ако тој не сака да ви помогне, тогаш тоа значи дека не се грижи за вашите проблеми, па дури ни за вас.
