7 најчести грешки со хидратацијата кои повеќето од нас ги прават

Нашите тела се состојат до 60% вода, а пиењето доволно вода во текот на денот е од суштинско значење за да имате сјајна кожа, да одржувате здрава тежина и да ги исфрлите токсините од телото. Тоа дури влијае на нашето расположение и нашата способност за учење.

Но, внесувањето доволно течности е многу повеќе од едноставно пиење 8 чаши вода на ден. Всушност, водењето евиденција за внесот на вода не е лесно, но исто така не мора да биде комплицирано. Така, дојдовме до листа на грешки што може да ве спречат да останете правилно хидрирани.

1. Пиете вода после вежбањето

Иако е вистина дека пиењето вода по одење во теретана помага при хидратација, исто така е важно да пиете доволно пред и за време на вежбањето. Ако го започнете тренингот скоро дехидрирани, ќе изгубите уште поголема течност додека тренирате, а тоа може да биде опасно за вашето психичко и физичко здравје. Но, не мора да се држите само до водата за да ја вратите рамнотежата на течностите. Кокосовите пијалоци, црниот и зелен чај, па дури и чоколадно млеко ќе ве хидрираат исто како и водата.

2. Мислите дека кафето и чајот не се сметаат

Вашата утринска шолја кафе или чај може да послужи како мал хидрантен напиток. Иако овие пијалоци претежно содржат кофеин, тие сепак додаваат на количината на течности што ги добивате секој ден. Пиењето околу 3,5 шолји кафе дневно ќе ве хидрира исто како да пиете само вода, покажа едно истражување.

3. Консумирате премалку сол

Иако исхраната со високо количество на натриум може да го дехидрира телото, натриумот го одржува балансот на течности во организмот. Ние природно губиме натриум и други елементи преку пот и токму и водата и натриумот треба да се заменат.

4. Пиете 8 чаши вода на ден

Овој популарен совет не е секогаш точен. Колку вода ни треба зависи од различните фактори на животниот стил, како на пример колку сме физички активни, што јадеме, каде живееме и многу повеќе. За да ја пресметате количината на вода во литри што му треба на вашето тело дневно, помножете ја вашата тежина во килограми со 0,033.

5. Прво нешто што пиете наутро е чаша вода

Ние ги губиме телесните течности за време на спиењето, па дури и ако пиеме доволно пред спиење, ќе се чувствуваме жедни до следното утро. Но, пиењето обична вода на празен стомак не е најефективниот начин за хидрирање. За нашите тела, полесно е да апсорбираат и задржат вода кога има други хранливи материи. Значи, ако се обидувате да ја одржите рамнотежата на течностите, испијте ја водата со закуска или наместо тоа, испијте една чаша сок од портокал или млеко.

6. Штедите вода за време на тренинзите

Кога вежбаме, нашите тела губат вода преку потта и дишењето. Останувањето хидрирани за време на тренизните е важно за регулирање на температурата на телото и крвниот притисок. Фитнес-експерти препорачуваат пиење од 200 до 300 мл на секои 10-20 минути за време на вежбање.

7. Заборавате на храната богата со вода

Многу овошје и зеленчук придонесуваат за вашиот вкупен внес на течности. Некои од нив, како доматите, лубеницата и краставиците се исто така богати со калиум што му помага на вашето тело да остане хидрирано подолго време.

Вашата адреса за е-пошта нема да биде објавена. Задолжителните полиња се означени со *